miércoles, 29 de agosto de 2007

Desbarrando polos Cerros de Úbeda


Onte tivemos pleno, eu esperaba que neste comentario falaría das festas, pero non consideraron oportuno rendir contas do que se gastou entre o 14 e o 25 de agosto.

Parece que a claridade e a transparencia era soamente unha fachada para facer coalición de goberno entre CxB e PP, polo demáis pura pantomima. ESO SI, TERÁ QUE HABER RESPOSTA Á PREGUNTA DO BNG DO QUE CUSTOU TRAER DE PREGOEIRA A PALOMA LAGO. Seguro que non cobrou soamente co acompañamento de Pabliño Tomé, ainda que a el llo pareza. Pero, tendo concelleiro de festas, o parente de Paco Porras, Alberto Porras, como é que acompañaba á pregoeira o peor portavoz de toda a bisbarra con diferencia sobre o segundo.

A verdade é que non vale para nada coma portavoz e xa o demostra cando hai que tratar un tema importante que o trata directamente Mari. Pasou onte coa UEI-17 da Condesa e pasou no plena extraordinario do 17 con algún outro tema.

O tema da Condesa parece peliagudo, gustariame saber o porque da urxencia con que quere tratar o PP isto. Igual que outros temas.

Acelerou para que non se trate de facer o colexio e galescola onde estaban proxectados por desacordos cun propietario, que casualidad, o propietario dese terreo estaba na comida que en campaña electoral fixo o PP nun restaurante betanceiro e na que estivo presente Fraga. E iso que o trámite expropiatorio do terreo está iniciado.

Acelerou para chegar a un acordo cun "empresario" por unha débeda, e no acelerón, incremetou a debeda cun 2% a maiores, para gastos de... eu que sei do que queira.

E agora acelera co tema da Condesa a máis non poder. A saber quen anda polo medio con intereses por ahí.

Fago unha pregunta e como tal quero que se vexa, non vai ser que me denuncie a señora alcaldesa, ainda que soño con que o faga. Sería precioso unha cita coa alcaldesa, ainda que fora nos xulgados....

ESTAREMOS PAGANDO FAVORES PRESTADOS?

Logo o pleno foi moi tranquilo e case sen tensións, as propias dun acto político, agás cando a alcaldesa se lle da por compararse co anterior alcalde, debe ter complexo esta muller e quedou marcada co bo facer de Manuel Lagares, está claro.

miércoles, 22 de agosto de 2007

Un capricho de CxB??


Prometinme non escribir nada máis ata despois das festas, e pasalas do xeito máis tranquilo posible, pero non podo resistirme a publicar o que hoxe me comentou pola rúa unha persoa afín a CxB.

O sábado pasado foron os primeiros caneiros, e neles non estivo presente a nosa alcaldesa.

PARECE SER QUE A AUSENCIA DE MARÍA FARALDO NOS CANEIROS VEU MOTIVADA PORQUE OS REPRESENTANTES DE CxB NON LLE PERMITIRON SURCAR O RÍO NA DIANA CAZADORA. DE NON ATENDER A ESTA RAZÓN CEPORBIANA, AMEAZARON CO PEOR POSIBLE PARA A ESTABILIDADE DO PACTO DE GOBERNO ASINADO ENTRE CxB E PP.

Ata onde van chegar o PP e CxB, uns cedendo e outros obrigando e exsixindo?

martes, 14 de agosto de 2007

Unhas festas claras e transparentes

Hoxe comezan as festas da nosa vila co pregón e a coroación da raiña. Ata o 25 de agosto disfrutaremos do que se ofrece nelas.

Tratarei de non escribir máis ata despois dos segundos caneiros ou ata ter os gastos desglosados das festas patronais. Porque espero que os ceporbianos claros e transparentes, xa que non obrigaron a levar a pleno ninguha contratacións ata o de agora, si obriguen a dar conta do que se gastou e canto en cada cousa.

Saude e boas festas, cuidado cos foguetes e amodiño co viño. Nos caneiros sentidiño os que vaiades, eu non me vexo por ahí, ainda que si irei ata a ponte para ver como chegan as barcas.

martes, 7 de agosto de 2007

O veneno e a alcaldesa

O sábado pasado podiase ler na prensa unha nova na que a nosa alcaldesa anunciaba un acordo co empresario Manolito Rivera para facilitar o pago da débeda contraida polo noso concello para con el.

E ao final da nova, no xornal La Voz de Galicia, a nosa alcaldesa lanzaba unha dura amenaza digna dunha persoa pouco cabal e venenosa en demasía.

Amenaza con levar aos tribunais a todo aquel que se se atreva a relacionar ao PP con Manolito Rivera.

Pois ben, eu vou facer unha exposición dalgún feito que eu non sei se os relaciona ou non, pero invito a Mari Faraldo a que me denuncie, encantado estarei se o fai.

O sábado 16 de xuño celebrouse a toma de posesión no concello de Betanzos, e entre o público estaba presente o empresario Manolito Rivera, observando sen perder detalle todo o que alí acontecía. Ben, este acontecemento non relaciona a Manolito co PP.

Durante o acto solemne dese día, Manolito Rivera, faltou deliberadamente ao respecto tanto de militantes coma de concelleiros electos do PSdeG-PSOE. Ben, este acontecemento non relaciona a Manolito co PP.

Ao finalizar o acto da investidura da nova alcaldesa, Manolito Rivera, entrou na alcaldía a felicitala polo éxito acadado. A entrada á alcaldía non foi un acto público, non podía entrar quen quería senon quen a alcaldesa estimou oportuno. Ben, este acontecemento non sei se relaciona a Manolito co PP.

Ao rematar todo e sair da casa consistorial, o séquito do PP encabezado pola alcaldesa e os concelleiros deu un paseo pola Rúa do Castro, pois ben, nese séquito entre outros estaba Manolito Rivera. Ben, este acontecemento non sei se relaciona a Manolito co PP.

E para finalizar o paseo tiveron a idea de saciar a sede ou non sei que, e todo o séquito tivo a ben beber algo invitados, imaxino que, pola alcaldesa. Entre estes invitados, non estabamos todo o pobo, estaban os concelleiros do PP e achegados deles. Con eles estaba Manolito Rivera. Ben, este acontecemento non sei se relaciona a Manolito co PP.

Relación en si Manolito Rivera co PP eu non sei se teñen, agora o que está claro é o que se poido ver ese día. O mencionado empresario estaba co grupo que festexaba o éxito acadado polo PP na toma de posesión do concello de Betanzos. E nese grupo estaban entre outros, todos os concelleiros populares e a alcaldesa que amenaza e que bota veneno pola boca de cando en vez.

En resumen, tontos que non nos queiran facer e amenzas as xustas.

viernes, 3 de agosto de 2007

Reclamemos o Polo Norte



Hoxe, no meu retiro estival, estaba almorzando e lin na prensa unha nova na que Rusia reclama a explotación do Polo Norte.


Parece ser que baixaron 4.000 metros con dous minisubmarinos e colocaron unha bandeira de titanio dun metro de altura, que resiste a corrosión, baixo o Polo Norte.


Logo desta reclamación de Rusia, xa apareceron outros candidatos á explotación, tales que Dinamarca, Canadá, Noruega ou EEUU.


O interese desta reclamación reside en que estamos a falar de que nesa zona encontranse unha cuarta parte das reservas mundiais de hidrocarburos, e tamén pode haber ouro, níquel e diamantes.


E, fagome agora unha pregunta, onde se atopa a señora alcaldesa que non entra ela na poxa pola explotación do Polo Norte, seguro que en breve sairá a reclamalo, e si non o fai teremos que recoller sinaturas e reclamar de forma popular o Polo Norte.


A de cousas que se me ocorren si chegamos a explotar nos esa zona, uff Mari, vouche dar ideas (para que logo digan que non axudo ao goberno), ala vou:



  • Unha de duas, poderiamos explotar o Polo con traballadores do concello ou facer unha concesión administrativa, pero en calqueira dos casos, habería traballadores betanceiros e sería un activo para que o noso concello baixara as tasas de paro.


  • Teriamos un lugar máis onde poder publicitar a nosa vila, coa bandeira de Betanzos que sustituiría á de Rusía, poríamos unha túa Mari, ¡¡que propaganda!!, e ademáis axudaría no turismo e aumentaría o nº de visitantes á Cidade dos Cabaleiros, co que batiriamos records de visitas á nosa oficina de turismo, cousa que vexo te agrada porque non paras de sacalo na prensa.


  • Cos beneficios da explotación pagariamos esas debedas que tanta dor de cabeza nos dan a todos, especialmenta aos Ceporbianos, e a maiores, poderiase subir a asignación a grupo polítco algo máis (parecer ser que algún dos CxB ten vicios caros e hai que pagarllos, para algo son concelleiros que carai, eses dereitos deles).


  • Vou máis alá e atrevome a decir que co ouro que se extrae e os diamantes, podería facerse unha alfaia para a nosa Raiña das Festas, e así "dignificar" máis si cabe a muller obxeto que representa este símbolo.


  • Comprariamoslle un peluquín a Pedro de la Fuente, que guapo estaría.


  • Poderiamos contratar persoal de confianza no concello, así terías aos funcionarios controlados perfectamente por persoas do PP como che gosta facer.


  • Faríamos ese estudio que tanto preocupa a Javier de la Fuente de enfermedades pulmonares, tan importante para a nosa vila.


  • Con cargo aos presupostos, e co gran beneficio que sacariamos, fariamos o centro de día no Carregal e tamén o do antigo ambulatoria, non habería problema, e pasariamos das axudas de Vicepresidencia, que se cre o Anxo este que o único que quere é protagonismo, e para eso xa estás ti Mari.


  • Como se pode ver, ocurrenseme moitas cousas, e máis que gardo para cando me contrates a min como Dinamizadora do Proxecto, porque como se pode observar falaba en 1ª persoa do plurar, xa me incluo nas actividades. Espero me concedas o honor dese posto.
E xa remato, non sin antes berrar ben alto

¡¡POLO NORTE BETANCEIRO!!

P.D. Debo engadir outro punto no que a inversións se refire, acaba de chamarme Pablo Tomé que tamen quere un peluquín, como negarllo logo das suas aportacións para batir records de visitas na oficina de turismo municipal.

miércoles, 1 de agosto de 2007

Conclusións plenarias

Onte asistimos ao primeiro pleno ordinario desta lexislatura, e polo visto, van ser longos, duas horas longas, todo sexa polo ben de Betanzos.

Voume limitar a sacar as miñas conclusións personais e logo que cada un faga o mesmo si quere.

Comezarei falando da creación de comisións, cousa que ao meu parecer é máis propia do pleno de organización que deste, pero bueno ahí estaban na orde do día e deuse conta delas. Chama poderosamente a atención a comisión sobre movilidade no casco histórico. Nela estarán presentes colectivos activos do casco histórico e os grupos políticos, parece unha boa cousa seguir con puntillosidade esta comisión para ver os acordos aos que se chegan, porque parece complicado poñer en sintonía a todo o mundo. Atraeme o tema, básicamente porque creo que a comisión non vai ser de utilidade (espero equivocarme) e porque chocaran os intereses personais de cada un, xa que un veciño e un comerciante pensan radicalmente distinto.

O seguinte do que quero falarvos é da alegría que sentín cando Pedro de la Fuente tomou a palabra, parecía que este home so sabía decir unha frase pero poidemos ver que non, que fala coma todos e non soamente sabe decir "Si pactamos con Mari me corto los cojones y me los como". Agradecemoslle isto a todo o mundo que participou activamente na recuperación mental deste home, cousa boa para a política municipal.

Pero ainda que mentalmente parece de todo recuperado, quedanlle moitos pasos que dar xa que nos falou dunha moción para manter o servizo de normaización lingüistica no concello. Non sei, parece de perogrullo facer esta moción xa que nunca deixou de funcionar este servizo, nin con ela se reforza o servizo nin nada polo estilo. Inútil de todo atrevome a calificar a moción.

Esperemos que en próximas mocións pareca máis hábil, pero para ser a primeira daremoslle un voto de confianza, a rehabilitación verbal estase completando satisfactoriamente. Voulle facer unha suxerencia señor Pedro, presente ao próximo pleno unha moción para manter a policía local en Betanzos, fagao que así gaña soltura e non fai dano nin beneficia a ninguén.

O seu compañeiro de grupo CxB Javier de la Fuente xa non estivo tan ben nas suas intervencións, saco unha conclusión das suas verbas, nos colexios dos OPUS aprenden de economía e non de dereito.

Digo isto porque cando tocou falar da auditoría municipal, puxo a pel de cordeiro e dixo que xuridicamente non é experto e por iso el de dereito non sabe; pero si falou de peches de exercicios contables do concellos de aprazamento de obrigas e pagos.

Javier, de saida parecía complicado ver como eres, pero co paso dos días vamoste calando, queres dar unha imaxe de bo e de moderado que para nada cumples e que acabará desaparecendo de todo.

Non quero pasar por alto ao portavoz popular, ese que se atreve a defender o servizo de normalización lingüistica en castelán. Nunha das suas atropelladas intervencións, falou do lema de campaña de CxB "claros e transparentes", facendoo seu, lapsus momentaneo ou realmente o lema foi idea del?, os nervios van acabar con el, tantos papeliños lle pasa a alcaldesa que xa non sabe onde está, nalgún pleno non saberá o que ten que votar.

Pero bueno o que está claro é que o portavoz do PP é un simple transmisor da alcaldesa, ela é a que realmente fala porque o Pabliño limitase a ler o que ela lle pon diante, a alcaldesa exerce ao mesmo tempo de alcaldesa e de portavoz, vaisenos estresar coa acumulación de tarefas. Ofrezome a darlle unha masaxe relaxante cando sexa necesaria.

Por último e como tema máis importante de todos, resaltar a moción que o BNG presentou sobre manter o centro de día onde estaba proxectado polo anterior goberno municipal, e que o actual goberno quería trasladar a outro lugar. Pois ben, a moción saleu adiante xa que tanto PSOE coma CxB votaron co BNG e o PP quedou so ante tal proposta.

P.D. Ante os plenos que se nos veñen enriba, propoño á señora alcaldesa que nos teña ao público algún tipo de cea fría ou caterin ao uso, calquer día desfaleceremos nunha sesión plenaria.